AIRTEL YAFANYA MATEMBEZI YA HISANI NA KUKABIDHI KISIMA CHA MAJI SAFI SHULE YA MSINGI KUMBUKUMBU

Kampuni ya Airtel leo imeendesha matembezi ya hisani ili kuchangisha  pesa kwajili ya kuendelea kuboresha shule ya msingi kumbukumbu iliyopo jijini Dar es salaam 

Matembezi yenye lengo la kupata pesa ili kufanya ukarabati wa darasa la watoto na kununua viti na meza za kukalia yameetimishwa kwa uzinduzi wa kisima cha maji kilichojengwa kwa hisani ya Airtel kwa kushirikiana na wafanyakazi wake ili kukabiliana na tatizo la maji shule hapo

Akiongea wakati wa kuzindua kisima hicho mgeni rasmi , Kaimu Mkurugenzi wa Maendeleo ya Watoto wa Wizara ya Maendeleo ya Jamii, Jinsia na Watoto, Benedict Missani kwa niaba ya Waziri wa Maendeleo ya jamii  jinsia na watoto Mh. Sophia Simba alisema”  naunga mkono juhudi zilizofanywa na Airtel katika kuendelea kuboresha mazingara ya utoaji elimu shuleni hapa. Nimefurai kuona kuwa Airtel haikuridhika na ujenzi wa kisima hii tu bali wameamua kuchua hatua nyingine ya kushirikisha wadau mbalimbali katika kutatua changamoto walizoziona shuleni hapa.

Leo tumetembe kwa pamoja ili kuweza kuchangisha kiasi cha shilingi milioni 10 zitakazowezesha kazi ya kuendelea kuboresha mazingara ya shule hii kuendelea. 

Serikali inaunga mkono dhamira hii na jitihada hizi zinazoenda sambamba na kauli mbiu yetu ya “matokeo makubwa sasa”  na kuhakikisha tunaboresha maeneo muhimu hususani elimu kwani vijana hao ndio nguvu kazi na taifa la kesho. Natoa wito kwa mashirika mengine watu binafsi na taasisi mbalimbali kujitokeza na kuchangia katika shughuli za jamii ili kukubiliana na changamoto tulizo nazo sasa.

Kwa upande wake Mkurugenzi mkuu wa Airtel Bwana Sunil Colaso alisema” nawashukuru wafanyakazi wa Airtel na kila moja aliyeshiriki hapa kwa kujitoa katika kusaidia jamii, sisi Airtel tumejipanga kutimiza dhamira yetu ya kuchangia katika kuhakiksha tunachangia katika sekta ya elimu kwa kuendelea kutoa vitabu na kuboresha mazingira ya shule. Kupitia mradi wa Airtel Shule yetu tumeweza kuzifika shule nyingi kwa kuwapatia nyenzo muhimu katika elimu na leo tumewafikia shule ya msingi kumbukumbu tukiwa na lengo na kuendelea kuboresha sekta ya elimu.

Mpango huu wa Airtel Tunakujali ni endelevu bado tutakuwa  shughuli nyingi zaidi na shule nyingi zikipokea misaada hivyo tunawaomba wadau mbalimbali kuendelea kushirikiana nasi.

Mfanyakazi wa kitengo cha Mawasiliano bi.Getrude Shayo alisema” nia na madhumuni ya kuchagua shule ya msingi ya Kumbukumbu ni kuweza kuwasaidia watoto hawa ambao wapo jirani na sisi na kuwawezesha kukaa kwenye darasa lililoimara na mtazamo mzuri. Ukaribu wetu na shelu utatuwezesha kuweza kufwatilia maendeleo yao kwa umakini na ukaribu zaidi”.

Kwa upande wake mfanyakazi wa Airtel Bi Veneranda Boniface Alisema amejisikia furaha kutumia jumamosi yake kutembea kwaajili yakusaidia jamii, hii ni sehemu pia ya mazoezi lakini zaidi ni njia pekee ya kuniwezesha mimi kwa nafasi yangu katika jamii kushiriki kuchangia.

Nae mwananfunzi wa shule ya msingi Kumbukumbu….. aliongeza kwa kusema”tunawashukuru Airtel kwa kuweza kutuletea maji hapa shuleni kwani kwa sasa hatuna haja ya kutoka nje ya shule na kwenda kutafuta maji ya kunywa na kumwagilia maua yetu hapa shule. Hii inatusaidia tunapata muda mwingi wa kusoma na kupumzika pale tunapopata muda wa mapumziko”.

Matembezi hayo ya hisani yalianzia katika makao makuu ya Airtel yaliyoko Moroco Dar esaalam na kwenda njia ya Ali hassan Mwinyi, kupitia Kaunda, Bongoyo , haile selaile , Ali hassani Mwinyi na kuishia katika shule ya msingi Kumbukumbu.